صمون حجري مية بالمية

[غربة الروح]

المواد

10 اكواب طحين

2 ملعقه طعام خمره

2 ملعقه طعام سكر

2 ملعقة اكل ملح

ماء حسب الحاجه

يعني مواد عجينه عاديه

ربع كوب حليب لدهن وجه الصمون

( ممكن تسوون في البدايه نصف هاي الكميه الى ان يضبط وياكم )

طريقه العمل

نضع الخمره مع ماء دافئ والسكر وتترك لتتخمر ربع ساعه

ممكن خلطها مع الطحين مباشره لكن مره كانت الخمره عندي منتهية الصلاحيه وخرب العجين عندي

لهذا اخمرها لوحدها افضل

نخلط الطحين والملح ونضيف له الخمره والماء ونعجنه بصوره جيده باليد او بالعجانه

من تشوفون العجينه متلزك بالانجانه يعني صارت تمام

غطوها بنايلون وخلوها بمكان دافئ

( اني ادفي الفرن واخلي العجين بداخله )

نتركها تتخمر ساعه او ساعتين مو مشكله

شوفوها من اختمرت شلون نفشت

هسه نقطعها بهالحجم

ونبرمها بشكل طولي بايدينج الاثنين طبعا بدون متلوثيها بالطحين حتى تكدرين تبرميها

وتضغطين عليها من الحافات انتي ودتبرمين حتى يصير شكلها مثل الصمونه العراقيه

بعد ما اخذت الشكل المطلوب لوثيها بالطحين وخليها بصينيه

ونفس الطريقه للباقين

هسه نغطي الصواني بنايلون وهم نتركها تتخمر ساعه

بنات التخمير كلش ضروري حتى تنفش

بعد ماتركناها شوفو شلون نفشت الصمونه

يتبع

[غربة الروح]

هسه نفرش الصمونه
تمسكوها من الطرف وتبدون تضغطون عليها بايدكم وتسحبون الصمونه
ونفس الشي من الطرف الثاني
الى ان يصير شكلها هيج

شوفوا الفرق قبل متنفرش وبعد

لازم تكونون محضرين قطعه قماش تخلوها على الميز وتبدون تصفطون الصمون عليها بالسره حتى من تبدون الشوي تاخذون اول شي سويتوا
وتخلوها بهذا الشكل وتغطوها بنايلون

هاي هنا سويت صمونتين دبل ابو الجهال يحبها لان تذكره بقاسم ابو الكص
هههههههههههههههههههههههه

بعد مافرشتوا كل الصمون
تشغلون الفرن
الفرن تشغلوا من فوووووووووووووووك وعلى اعلى درجه حراره
وتتركوا يحمه
بهالاثناء انتو خلوا اول وجبه من الصمون بالتبسي او الصينيه ودهنوا الوجه بالحليب

من تشيلون الصمون من على القماش للصينيه حاولوا متضغطون علي حتى ينفش

الصينيه نخليها بالارتفاع الوسط بالفرن
تقريبا 3 دقائق وتشوفوها ماشاء الله تنفخ

من تشوفون الوجه استوه
قلبوا الصمون باستخدام جف الفرن والكماشه

من تقلبوا راسا روحوا حضروا الصينيه الثانيه وهم دهنوا الوجه
من يستوي الوجه الثاني للصمون طلعوا من الفرن
لازم تكونون محضرين خاولي او قماش حتى تخلون الصمون علي
وراسا غطوا

وتكررون نفس العمليه الى ان يخلص العجين

هذا هو الصمون
شوفوا الصمونين الدبل شلون صاروا

وهاي الصمونه من داخلها

وتاكلوها بالف عافيه
واي استفسار أي حاضره

بس ادعولي ربي يسهل امري واكدر احج
تره ادعي على الي تدخل ومتكتب رد لان تعبت كلش بترتيب الموضوع

خخخخخخخخخخخخخخخخخخخخ

[Miss Perfume]

عااااااااااااااااااااااااااشت ايدج ام علاوي شلون صمون يخبل
والله تستاهلين احلة تقييم وشكر
ويارب يسهل امرج ويكتبلج الحجة باقرب فرصة

[غربة الروح]

ربي يخليج بعد عمري
وشكرا على الدعوه الحلوة مثل صاحبتها
ممنونه منج

[نناوي]

عاشت ايدج حبي وان شاء الله جاري التطبيق
وربي يكتبلج الحج ويوفقج بكل امورج ان شاء الله امين رب العالمين

[غربة الروح]

انتي العايشه عمري
ان شاء الله يطلع اضبط من هذا الصمون
وشكرا على الدعوه حبيبتي